Skíðasvæðið Böggvisstaðafjalli

Smelltu á myndina til að fá stærri mynd (70 KB)

Opnunartími

Upplýsingasími svæðisins er 878 1606.
Mán. - Fim.	Föstudagar	Lau. - Sun.
14:00 - 19:00	Lokað fyrst um sinn	11:00 - 16:00 frá 1. janúar 2012

Lyftugjöld

	Dagskort virkir dagar	Dagskort helgar og hátíðisdagar	Kvöldopnun 20:00-22:00 Auglýst sérstaklega	Vetrarkort
15 ára og yngri	750	950	650	10.000
Fullorðnir	1.700	1.900	850	16.000
Fullorðnir teljast þeir sem fæddir eru 1995 og fyrr Börn sem fædd eru 2006 og síðar borga ekki lyftugjöld en við mælum endregið með að keypt séu handa þeim lykilkort. Þau kosta 1000 kr. Bendum einnig á að lykilkort eru þægilegur kostur fyrir þá sem kaupa dagskort.

Fjölskylduafsláttur af vetrarkortum:

Athugið að ef ekki er gengið frá greiðslu vetrarkorta á auglýstum skráningardögum eða á fyrsta skíðadegi þarf að greiða daggjöld. Við hvetjum þá sem ætla að kaupa vetrarkort að gera það strax.

Minnum á almenningssímann fyrir gesti skíðasvæðisins. Hægt er að kaupa kort í hann á skíðasvæðinu.
Athugið að aðrir símar á skíðasvæðinu eru ekki ætlaðir fyrir almenning nema í neyðartilfellum.

Nýjung í vetur.

Foreldrar æfingarbarna geta nú keypt 2 vetrarkort á verði eins en aðeins á auglýstum skráningardögum. Eftir það gildir almenn verðskrá á vetrarkortum.

Skíðasvæðið

Á svæðinu eru tvær lyftur, neðri lyftan er af gerðinni Leitner og er 700 metra löng. Beint í framhaldi af henni er lyfta af gerðinni Doppelmayer og er hún 500 metra löng, samtals 1.200 metra langar og fallhæðin er 322 metrar.
Einn snjótroðari sinnir daglegri troðslu á svæðinu og er annar til taks á álagstímum. Ný lýsing er á svæðinu, um 1.200 metra löng brekka er lýst. Snjóframleiðsla er á neðri hluta skíðasvæðisins.

Við erum mjög sveigjanleg með opnunartíma þegar hópar eru hjá okkur og opnum svæðið utan hefðbundins tíma sé þess óskað.

Nánari upplýsingar um svæðið fást hjá starfsmönnum þess á opnunartíma í símum 466-1010 og 466-1005. Umsjónamaður svæðisins er Sigtryggur Hilmarsson í síma 866 3344. Upplýsingasími svæðisins er 878 1606.

Brettaaðstaða

Aðstaða fyrir brettafólk er góð, landslagið mjög fjölbreitt og stutt að fara fyrir þá sem vilja ganga á fjöll.

Skíðaleiga

Skíðaleiga er á staðnum og eru skíði og skór frá barnastærðum upp í fullorðinsstærðir.

Skíðakennsla

Hægt er að fá skíðakennslu um helgar og er kennd ein klst í senn gegn gjaldi.

Skíðaganga

Gott göngusvæði er í nágrenni skíðasvæðisins og fjölmargar gönguleiðir út frá því. Gönguhringur er troðinn daglega ef aðstæður leyfa. Hringurinn er um 2 km langur og liggur um hólana umhverfis Brekkusel, sem er skáli félagsins, og niður að Sundlaug Dalvíkur sem er í um 500 metra fjarlægð frá skíðasvæðinu.