Hegðunarviðmið

Almenn hegðunarviðmið:

Það eru allir á skíðum á eigin forsendum.
Virðum öll gildi og reglur Skíðafélagsins.
Metið framlag allra félagsmanna að verðleikum.
Sýnum öll jákvæða hegðun og hvetjum alla til betri árangurs.
Tölum alltaf fyrir heilbrigðum lífsstíl.
Virðum rétt og skoðanir hvers og eins óháð kyni, kynstofni, trúarbrögðum eða kynhneygð.
Virðum rétt hvers og eins til að fara sínar eigin leiðir.
Völlurinn er nógu stór fyrir alla hvenær sem er, virðum það.
Styðjum og hvetjum alla til góðra verka
Leysum ágreining í sameiningu án fjandskapar.
Komum fram við aðra eins og við viljum láta koma fram við okkur.
Vinnum saman og gerum alltaf okkar besta.
Fylgjum reglum íþróttarinar og virðum niðurstöður dómara.
Samþykkjum aldrei ofbeldi eða hatursáróður og höfum hugfast að einelti er líka ofbeldi.

Barnið þitt er í íþróttum vegna eigin ánægju.
Hvetja barnið þitt til þátttöku í íþróttum.
Hvetja barnið þitt til að fara eftir og virða reglur íþróttarinnar
Styðja og hvetja öll börn og ungmenni
Vera jákvæður, bæði þegar vel gengur og þegar illa gengur, innan vallar sem utan.
Gera aldrei grín að barni eða hrópa að því ef það gerir mistök.

Sýna öllum iðkendum virðingu, jafnt samherjum sem mótherjum.
Sýna öðrum virðingu og vera heiðarlegur og opinn gagnvart þjálfara og forystufólki félagsins sem ber ábyrgð á þér við æfingar og keppni.
Forðast neikvætt tal eða niðurlægjandi köll um samherja, mótherja, dómara, þjálfara eða starfsmenn félagsins.

Sýna ávallt öðrum virðingu, jafnt í meðbyr sem mótbyr.
Virða alltaf reglur og venjur varðandi heiðarleika í íþróttum.
Hafa heilbrigði alltaf að leiðarljósi og forðast að taka áhættu varðandi heilsu þína
Bera virðingu fyrir hæfileikum og getu andstæðinga ykkar
Forðast neikvæð ummæli eða skammir.
Vera heiðarleg(ur) og opinn í samvinnu við þjálfara og aðra sem styðja þig.
Taka sjálfur höfuðábyrgð á framförum þínum og þroska.
Vera ávallt til fyrirmyndar varðandi framkomu, jafnt utan brautar sem innan.
Hafa hugfast að þú ert fyrirmynd yngri iðkenda.
Forðast náin samskipti við þjálfara þinn.
Neyta aldrei ólöglegra lyfja til að bæta árangur þinn.

Meðhöndlaðu alla iðkendur á einstaklingsgrunni og á þeirra forsendum.
Styrktu jákvæða hegðun og framkomu.
Sjáðu til þess að þjálfun og keppni sé við hæfi iðkenda með tilliti til aldurs, reynslu og hæfileika.
Kenndu iðkendum þínum lög og reglur leiksins
Fáðu iðkendur til að vera með í ákvörðunum sem tengjast þeim og kenndu þeim að bera ábyrgð á eigin hegðun og framförum í íþróttinni.
Vertu réttlátur, umhyggjusamur og heiðarlegur gagnvart iðkendum þínum.
Sýndu athygli og umhyggju þeim iðkendum sem orðið hafa fyrir meiðslum.
Leitaðu samstarfs við aðra þjálfara og sérfræðinga þegar þess þarf.
Viðurkenndu rétt iðkandans til þess að leita ráða frá öðrum þjálfurum.
Beittu aldrei kynferðislegu, líkamlegu eða andlegu áreiti.
Taktu aldrei að þér akstur iðkenda, hvorki á mót né æfingar, nema með leyfi foreldra
Sinntu iðkendum á æfingum en þess utan skaltu halda þig í faglegri fjarlægð
Vertu meðvitaður um hlutverk þitt sem fyrirmynd, bæði utan brautar og innan.
Notfærðu þér aldrei aðstöðu þína sem þjálfari til að uppfylla eigin áhuga á kostnað iðkandans.
Hafðu ávallt í huga að þú ert að byggja upp fólk, bæði líkamlega og andlega.
Forðastu að koma þér í þá aðstöðu að þú sért einn með iðkanda.

Stattu vörð um anda og gildi félagsins og sjáðu um að hvorttveggja lifi áfram meðal félagsmanna
Hafðu lýðræðisleg vinnubrögð í heiðri.
Haltu félagsmönnum vel upplýstum og gerðu félagsmenn að þátttakendum í ákvarðanatöku eins og hægt er.
Vertu ávallt til fyrirmyndar varðandi hegðun og framkomu, bæði innan félags og utan.
Taktu alvarlega þá ábyrgð sem þú hefur gagnvart félaginu og félagsmönnum
Hafðu ávallt í huga að í félaginu er verið að byggja upp fólk.
Rektu félagið ávallt eftir löglegum og ábatasömum reikningsaðferðum.
Notfærðu aldrei stöðu þína hjá félaginu til eigin framdráttar á kostnað félagsins.