Skíðasvæðið

Á svæðinu eru tvær lyftur, neðri lyftan er af gerðinni Leitner og er 700 metra löng. Beint í framhaldi af henni er lyfta af gerðinni Doppelmayer og er hún 500 metra löng, samtals 1.200 metra langar og fallhæðin er 322 metrar.
Einn snjótroðari sinnir daglegri troðslu á svæðinu og er annar til taks á álagstímum. Ný lýsing er á svæðinu, um 1.200 metra löng brekka er lýst. Snjóframleiðsla er á neðri hluta skíðasvæðisins.

Yfirlistmynd skíðasvæði  

 

 Upplýsingar má finna á Facebook síðu svæðisins

Við erum mjög sveigjanleg með opnunartíma þegar hópar eru hjá okkur og opnum svæðið utan hefðbundins tíma sé þess óskað.

Nánari upplýsingar um svæðið fást hjá starfsmönnum þess á opnunartíma í símum 466 1010. Umsjónamaður svæðisins er Einar Hjörleifsson í síma 782-4757.

Brettaaðstaða

Aðstaða fyrir brettafólk er góð, landslagið mjög fjölbreitt og stutt að fara fyrir þá sem vilja ganga á fjöll.

Skíðaleiga

Skíðaleiga er á staðnum og eru skíði og skór frá barnastærðum upp í fullorðinsstærðir.

Skíðakennsla

Hægt er að fá skíðakennslu um helgar og er kennd ein klst í senn gegn gjaldi. Hafið samband á undan svo að tryggt sé að kennari sé til staðar.

Skíðaganga

Gott göngusvæði er í nágrenni skíðasvæðisins og fjölmargar gönguleiðir út frá því. Gönguhringur er troðinn daglega ef aðstæður leyfa. Hringurinn er um 2 km langur og liggur um hólana umhverfis Brekkusel, sem er skáli félagsins, og niður að Sundlaug Dalvíkur sem er í um 500 metra fjarlægð frá skíðasvæðinu.

Sjálfvirk veðurathugunarstöð á Hámundarhálsi við Dalvík