Beðið eftir færi.....

Byssurnar fluttar af sumardvalastað upp í fjall

Nú bíða skíðamenn færis að snjóframleiðsla hefjist og hafa sjálfboðaliðar og  starfsmenn svæðisins unnið hörðum höndum undanfarna daga við undirbúning. Á dögunum var upptekt á troðara lokið og er hann því að verða klár í slaginn. Þá tóku starfsmenn allar snjóbyssurnar í yfirhalningu fyrir komandi átök.

Eins og áður hefur komið fram var bætt við nýjum snjósöfnunargirðingum núna á haustdögum, einnig var farið í þá framkvæmd að grjóthreinsa nýja skíðaleið sem stefnt er á að nota í vetur. Sú leið liggur samhliða neðri-lyftu (norðan við lyftuna).

Sjá má myndir frá haust-starfinu hér

Nýr starfsmaður félagsins tók til starfa 1.nóvember og gegnir hann hlutverki svæðisstjóa, það er Hörður Finnbogason, bjóðum við hann velkominn til starfa, nánari kynning á honum á næstu dögum, annar starfsmaður félagsins sem vart þarf að kynna er Júlíus G. Bóasson. Standa þeir félagar vaktina fram að snjóum, en þá bætast fleiri í hópinn sem kynntir verða síðar.

En við erum klár í veturinn og vonumst til að sjá sem flesta í fjallinu í vetur.