Skemmtilegu en krefjandi UMI 2026 á Ísafirði lokið.

Barri Björgvins og Jóhanna Skafta Bikarmeistarar SKÍ í flokki 14 - 15 ára.

Um helgina fór fram Unglingameistaramót Íslands á Ísafirði. Keppendur voru á aldrinum 12-15 ára og var keppt í svigi og stórsvigi.

SkíDalvík átti 12 þátttakendur á mótinu og stóðu krakkarnir sig mjög vel í krefjandi aðstæðum. 

Á fimmtudeginum var keppt í svigi en um var að ræða mót sem upphaflega átti að halda í Bláfjöllum fyrr í vetur, en þurfti að fresta þá vegna veðurs. Keppni hófst hjá 12-13 ára hópnum um 16.00, en eldri hópurinn sem keyrði á eftir var að ljúka keppni um 21.00. 

Á föstudag þegar keppni hafði verið aflýst var ákveðið að fara í vettvangsferð um nærliggjandi sveitir þar sem Sveinn Brynjólfsson fræddi bæði krakkana og foreldra um helstu kennileiti og kosti vestfjarða. 

Ákveðið var því að keyra bæði svig og stórsvig laugardaginn 12. apríl, og fór sú keppni fram við nokkuð krefjandi aðstæður en gékk þó vel að klára bæði mótin. 

Sunnudag 12. apríl stóð til að keppt yrði í samhliðasvigi, en ákveðið var að aflýsa þeirri keppni vegna slæms veðurútlits sem svo varð raunin. 

Eins og áður segir stóðu okkar fólk sig mjög vel.  (Hér má sjá öll úrslit frá mótunum um sl helgi)

Á fimmtudag (auka svig) voru á palli

Stúlkur 12-13 ára:

Álfrún Mjöll Sveinsdóttir 3.sæti

Stúlkur 14-15 ára

Jóhanna Skaftadóttir 1.sæti

Drengir 14-15 ára

Barri Björgvinsson 1.sæti

Unglingameistaramót 

Svig.

Stúlkur 14-15.ára

Jóhanna Skaftadóttir 2. sæti

Valgerður Fríður Lorenz Tryggvadóttir 4. sæti

Eyrún Helka Helgadóttir 5. sæti

Drengir 14-15 ára

Barri Björgvinsson 1. sæti

Stórsvig.

Stúlkur 14-15.ára

Eyrún Helka Helgadóttir 4. sæti

Drengir 14-15 ára

Barri Björgvinsson 1. sæti

Alpatvíkepnni (samanlagt svig og stórsvig)

Stúlkur 14-15 ára

Jóhanna Skaftadóttir 3.sæti

Drengir 14-15 ára

Barri Björgvinsson 1. sæti

Þá veitti Skíðasamband Íslands verðlaun fyrir Bikarkeppni SKÍ 2026. 

Þar urðu sigurvegarar í flokki 14-15 ára 

Drengir: Barri Björgvinsson.

Stúlkur: Jóhanna Skaftadóttir.

Núna fer að líða að lokum þessarar vertíðar, og aðeins Andrésar andarleikarnir eftir, en þeir fara fram 22.-25 apríl.

Til hamingju með árangurinn og áfram fulla ferð á fjalirnar.

Barri Björgvins og Jóhanna Skafta - Bikarmeistarar SKÍ í flokki 14-15 ára

Barri Björgvinsson með "fullt hús" á UMÍ þrefaldur unglingameistari og Bikarmeistari SKÍ

UMÍ svig 14-15 ára. 2.sæti Jóhanna, 4.sæti Valgerður 5.sæti Eyrún

12-13 ára flokkurinn, Álfrún, Katla og Viggó

Hópurinn með farastjóranum Sveini B og Kára B