Torfi Jóhann og Brynjólfur Máni Unglingameistarar í svigi.

24.03.2018

Team Trölli er skipað drengjum 14-15 ára frá Dalvík og Siglufirði

Í dag fór fram fyrsti dagur á UMÍ 2018 á Ísafirði. Aðstæður voru nokkuð krefjandi fyrir keppendur sem sýndi sig sérstaklega í flokki U16, þar sem nokkuð varð um brottfall bæði hjá stúlkum og drengjum.

U14 flokkurinn byrjaði daginn kl 09:00 í svigi. Aðstæður voru nokkuð krefjandi þar sem snjóað hafi talsvert í brekkurnar. Skemmst er frá því að segja að okkar fólk stóð sig með stakri príði og með ákveðni en öruggri skíðamennsku. Þeir Torfi Jóhann og Brynjólfur Máni sigruðu báðir sína flokka og urðu því Unglingameistarar í svigi. Rebeka Lind var okkar eini keppandi í stúlknaflokki og hafnaði í þriðja sæti - tók besta tímann í seinni ferð.

Eftir hádegi var komið að flokki U16. Óhætt er að segja að þeirra verkefni hafi verið krefjandi, enda varð brottfall töluvert hjá báðum kynjum. Aðeins fjórir af okkar keppendum skiluðu sér niður í fyrri ferð, en það voru þau Stefán Daðason, Styrmir Þeyr, Lovísa Rut og Kristrún Lilja - aðrir keppendur okkar ásamt fjölda annara hlektust á. Leikar fóru svo að Stefán Daðason hafnaði í 3 sæti, Styrmir þeyr í 6 sæti, Lovísa Rut hafnaði í 2 sæti og Kristrún Lilja í því 5. En sigurvegari í flokki 15 ára drengja var Alexander Smári frá Siglufirði sem hefur æft með Skídalvik í vetur.

Úrslit dagsins hjá okkar fólki varð eftirfarandi:

12 ára drengir

Torfi Jóhann Sveinsson 1. sæti

Jörfi Blær Traustason 8 sæti

13 ára stúlkur

Rebekka Lind Aðalsteinsdóttir 3 sæti

13 ára drengir

Brynjólfur Máni Sveinsson 1 sæti

14 ára drengir

Stefán Daðason 3 sæti

15 ára stúlkur

Lovísa Rut Aðalsteinsdóttir 2 sæti