Fréttir

Vegna óviðráðanlegra orsaka þarf að breyta tímasetningu aðalfundar félagsins. Fundur hefst þv´í kl 19:30 í stað 17:30. Aðalfundur Skíðafélags Dalvíkur verður haldinn í Brekkuseli Þriðjudaginn 22. maí 2018 kl. 19:30. Tillögur eiga að berast formanni minnst þremur dögum fyrir aðalfund á netfangið snator01@gmail.com Dagskrá: Venjuleg aðalfundarstörf Skíðafélag Dalvíkur.

Lokahóf Skíðafélags Dalvíkur fer fram í Dalvíkurskóla miðvikudaginn 2. maí kl.18:00. Veittar verða viðurkenningar fyrir mót og góðan árangur í vetur. Einnig verða lukkumiðar dregnir út og að lokum er öllum boðið í pylsugrill. Hlökkum til að hitta ykkur. Stjórn SKD og foreldrafélagið

Seinni hluta Dalvíkurmóts fór fram í gær (laugardag 7.apríl). Keppt var í svigi í flokkum 8 ára og eldri. Áður hafði verið keppt í stórsvigi (28.mars). Um 50 þátttakendur voru mættir til leiks og gékk mótið vel í alla staði.

Um helgina fer fram Skíðamót Íslands í Bláfjöllum og Skálafelli. Aðstæður hafa verið hinar bestu, enda snjóalög góð syðra. Okkar kona Andrea Björk Birkisdóttir er eini keppandi félagsins á mótinu. Í gær (laugardag) var keppt í stórsvigi, þar hafnaði Andrea í öðru sæti á eftir Hólfríði Dóru Friðgeirsdóttur. Í dag var keppt í svigi í Bláfjöllum þar var Andrea með þriðja besta tímann eftir fyrri ferð, tæpum tveimur sekundum á eftir Freydísi Höllu.

Eins og undanfarin ár var firmakeppnin haldin annan í páskum. Þetta árið í blíðskapar veðri við góðar aðstæður. Það er alltaf mikil stemning í fjallinu þegar firmakeppnin fer fram, enda skemmtilegt mót. Fyrirkomulagið er þannig að keppendum er raðað upp með forgjafar-fyrirkomuagi þannig að yngstu keppendur hefja keppni í 8 porti og svo koll af kolli upp í port 1, en sú nýung var í ár að keppendum 45 ára og eldri voru trappaðir niður í forgjafar-formúlunni þannig að 76 ára og eldri hefja leik í porti 8. Með þessu móti verður keppnin æsi spennandi og sannarlega var hún spennandi í ár.

Í gær (þriðjudag 3.apríl) fóru fram í Hlíðarfjalli tvö svigmót í Atomic-cup mótaröðinni, sem er þriggjamóta röð í aðdraganda Skíðamóts Íslands sem haldið verður í Bláfjöllum um næstu helgi.

Þá fer að líða á seinnihluta skíðapáskanna hjá okkur í Böggvisstaðafjalli. Óhætt er að segja að fjallið hafi verið iðandi af fólki alla páskadaganna, enda hafa allir fundið eitthvað við sitt hæfi í brekkunum.

Búð er að fela græn strá víðsvegar um fjallið og gengur leikurinn út á það að finna stráin og skila þeim til starfsmanns í afgreiðslu og fá verðlaun fyrir

Í dag hélt Skíðafélag Akureyrar árlegt TEPE - mót þar sem keppt er í stórsvigi í öllum flokkum. Mótið byrjaði kl 09:00 í morgun á 8 ára og yngri, en kl 16:00 byrjuðu svo eldri krakkarnir 9 ára - 15 ára. Aðstæður í Hlíðarfalli voru hinar bestu, sól, logn og -0°C. Skíðafélag Dalvíkur átti nokkra þátttakendur í báðum ráshópum þ.e. bæði hjá yngri og eldri.