Fréttir

Um komandi helgi verður fyrsta bikarmót vetrarins í flokkum 12 - 13 ára og 14 - 15 ára haldið í Böggvisstaðafjalli. Það eru skíðafélögin á Dalvík og Ólafsfirði sem halda mótið. Keppt verður í svigi á laugardag og stórsvigi á sunnudag. Hátt í 80 keppendur eru skráðir til leiks. Aðstæður eru mjög góðar til keppnishalds, þrátt fyrir tíðarfar undanfarnar vikur.

Snjór um víða veröld verður haldinn hátíðlegur á skíðasvæði Dalvíkur sunnudaginn 20. janúar

Á haustdögum var ákveðið að fara í endurbætur á skíðaleigu félagsins. Ákveðið var að stækka aðstöðuna ásamt því að endurnýja búnað að töluverðu leiti.

í gær laugardag 12. janúar fór fram kjör á íþróttamanni UMSE. Hófið fór fram í safnaðarheimili Dalvíkurkirkju. Fulltrúi skíðafélagsins í kjörinu var Andrea Björk Birkisdóttir, en Amanda Guðrún Bjarnadóttir var kjörin íþróttamaður UMSE 2018. Samhliða tilnefningunni voru veittar viðurkenningar fyrir góðan árangur aðildafélaga á síðasta ári. Þar átti skíðafélagið nokkuð marga fulltrúa.

Guðni Berg Einarsson keppti á sínum fyrstu FIS mótum um miðjan desember sl. Fyrstu mótin voru 16. desember á Akureyri þar sem keyrð voru tvö svigmót (ENL). Eins og svo oft áður þurftu mótshaldarar að aðlaga móthald veðri og vindum og voru því bæði mótin keyrð sama daginn. Í kjölfarið fór Guðni ásamt fleirum til Noregs þar sem krakkarnir kepptu á nokkrum mótum í Aal.

Heimsbikarmótsfarinn Sturla Snær Snorrason er mættur á svæðið, enda aðstæður til æfinga hinar bestu. Á svæðinu eru einnig 50 æfingakrakkar víðsvegar af landinu á samæfingu Skíðasambandsins og Skíðafélagsins.

Skíðasvæðið verður opið alla daga fram til jóla. Á virkum dögum frá kl.16:00 -19:00 og um helgar frá kl.11:00 -15:00 Lokað verður á aðfangadag og jóladag 26.-30. desember verður opið frá 12:00 -16:00 Gamlársdag frá kl. 11:00 – 14:00 Lokað á nýársdag

Í dag hefjum við æfingar samkvæmt æfingatöflu, nema leiktímar byrja eftir áramót. Viljum minna á facebook síður þjálfara annars vegar elstu krakkanna skidalvik12-15 ára og hinsvegar skidalvik10-11 ára. Þar setja þjálfarar inn upplýsingar fyrir hverja æfingu.

Um síðustu helgi var keppt í svigi og stórsvigi í Geilo Noregi. Þar tóku nokkrir Íslendingar þátt, þar á meðal Andrea Björk Birkisdóttir. Eru þetta fyrstu mót vetrarins og verður spennandi að fylgjast með Andreu í vetur.