Fréttir

Skíðasvæðið verður opið alla daga fram til jóla. Á virkum dögum frá kl.16:00 -19:00 og um helgar frá kl.11:00 -15:00 Lokað verður á aðfangadag og jóladag 26.-30. desember verður opið frá 12:00 -16:00 Gamlársdag frá kl. 11:00 – 14:00 Lokað á nýársdag

Í dag hefjum við æfingar samkvæmt æfingatöflu, nema leiktímar byrja eftir áramót. Viljum minna á facebook síður þjálfara annars vegar elstu krakkanna skidalvik12-15 ára og hinsvegar skidalvik10-11 ára. Þar setja þjálfarar inn upplýsingar fyrir hverja æfingu.

Um síðustu helgi var keppt í svigi og stórsvigi í Geilo Noregi. Þar tóku nokkrir Íslendingar þátt, þar á meðal Andrea Björk Birkisdóttir. Eru þetta fyrstu mót vetrarins og verður spennandi að fylgjast með Andreu í vetur.

Fyrsti opnunardagur svæðisins á vertíðinni fór fram úr björtustu vonum. Það voru margir glaðir skíðaunnendur á öllum aldri sem heimsóttu okkur. Aðstæður voru mjög góðar, kalt, logn og færiið mjög gott. Við munum halda ótröð áfram við að koma restinni af neðra svæðinu í gang á næstu dögum.

Á morgun Þriðjudaginn 4. desember ætlum við að opna skíðasvæðið en fyrstu opnunardaga miðast svæðið nokkuð að yngsta skíðafólkinu þar sem lyftan verður einungis opin upp að þriðja staur og hægt verður að skíða á barnasvæði. Við nýtum frostið næstu daga til snjóframleiðslu og opnum fleiri brekkur eftir því sem aðstæður leyfa. Hlökkum til að sjá ykkur og fylgist með okkur á skidalvik.is og á facebook.

Síðastliðna daga hefur heldur betur bætt í snjóinn. Þó svo að við hefðum viljað fá allt magnið sem setti í byggð, þá lofar þetta góðu fyrir okkur. Snjógirðingar hafa tekið við miklu, og stutt í að neðri brekkan verður orðin vel fær.

Eins og áður hefur komið fram var stefnt að opnun í fjallinu 1.desember. Þegar þetta er skrifað er ekki skíðafært í fjallinu. EN veðurspáin er okkur hliðholl og ef hún gengur upp eru líkur á töluverðum snjó. Því stefnum við á að opna barnabrekkuna nk. þriðjudag, en bendum áhugasömum á að fylgjast vel með á heimasíðunni okkar og á fésbókarsíðu félagsins.

Áætluð opnun hjá okkur á Skíðasvæði Dalvíkur er 1. Desember

Undanfarnar vikur hafa félagar í skíðafélaginu verið á stangli upp um allt fjall. Það hefur verið að ýmsu að huga, meðal þess sem gert hefur verið er: Bætt við snjógirðingar, Stallahús málað, bætt við vefmyndavélar, lúpína slegin, gamla lyftuhús fjarlægt, stungið niður tímatöku kappla, bætt við skíðaleiguna (stækkun) og fleira.

Í gær var tekin fyrsta úti-þrekæfingin. Hún var heldur frábrugðin öðrum æfingum, en á æfingunni voru undirstöður af gamla lyftu-skúrnum sem eitt sinn stóð noðan og ofan við þriðja mastur í neðri fjarlægðar. Var æfinginn sett upp sem áfangaþjálfun, þar sem að bera þurfti spítnaruslið þónokkurn spotta til að koma því á kerru. Gékk verkið vel og skemmtu krakkarnir sér við þessa óvenjulegu æfingu. Næsta æfing verður í íþróttamiðstöðinni n.k. miðvikudag kl 18:00.