Fréttir

Æfingar munu fara fram eins og æfingatafla segir til um. Ísí hefur gefið út tilmæli þar sem æfingar miðast við 20 einstaklinga og að hópar skarast ekki fyrir og eftir æfingar. Við eigum auðvelt með að sníða okkur að þeim tilmælum, enda nóg pláss í fjallinu. Hreyfing og útivera er mikilvæg og mælist Víðir Reynisson, yfirlögregluþjónn Almannavarna til þess að haldið sé úti æfingum barna og unglinga ef hægt er að fara eftir tilmælum Ísí. Við viljum því biðla til foreldra að fara yfir nokkra punkta með börnunum varðandi æfingar hjá Skíðafélagi Dalvíkur þannig að saman náum við að framfylgja þessum fyrirmælum Ísí. Ekki vera að óþörfu inni í Brekkuseli, komum södd og sæl á æfingar. Ef við þurfum að nota salerni inni í Brekkuseli, þá þvoum við okkur vel með sápu og notum spritt. Höldum bili í lifturöð. Sækjum börnin þegar þau hafa lokið skíðadeginum. Ef breytingar verða á fyrirkomulagi þá verðar þær kynntar rækilega á facebook-síðu foreldra (foreldrar skíðabarna í Dalvíkurbyggð) og á heimasíðunni okkar (www.skidalvik.is) Með kveðju Þjálfarar Ski-Dalvík.

Það er farið að styttast í mót. Í ár eru um 230 keppendur skráðir til leiks og veðurspáin er að okkur sýnist bara góð.

Í gær var kátt í Brekkuseli, en þá fengu iðkendur afhenta nýja skíðajakka. Foreldrafélagið hefur undanfarnar vikur skipulagt jakka-kaupin, og fengu þau frábærar undirtektir. Krakkar í 1.- 10.bekk fengu jakkana að kostnaðarlausu, en öðrum bauðst að kaupa sér jakka. Verkefnið var styrkt af velunnurum félagsins Electró, GS-frakt og Veisluþjónustu Þulu, þá kom Minningarsjóður Daníels Hilmarssonar einnig myndarlega að verkefninu.

Þrátt fyrir erfiða byrjun á vetrinum þá tókst að halda Dalvíkurmót, þ.e. báðar greinar á sömu helginni. Mótið gékk mjög vel í alla staði. Börn, foreldrar og starfsmenn stóðu sig afar vel.

Helgina 15.-16. febrúar er fyrirhugað að halda Dalvíkurmót í svigi og stórsvigi. Keppt verður í svigi og stórsvigi. Dagskrá